با به تی ئاینی لیره به ده ست بینه

سزاى ئه‌وكه‌سه‌ى كه‌ سسته‌ له‌نوێژكردندا ئيمامى زه‌هاوى له‌ (الكتاب الكبير)دا ئاماژه‌ى به‌چه‌ند سزايه‌ك كردووه‌ بۆ ئه‌و كه‌سانه‌ى كه‌ له‌نوێژه‌كانياندا سست وته‌مه‌ڵن..

• پێنج سزا له‌ دونيادا:

1. به‌ره‌كه‌ت له‌ته‌مه‌نيدا نامێنێت.
2. نور له‌ده‌مو چاويدا نابينرێت.
3. هه‌موو كرده‌وه‌كانى بێ پاداشت ده‌بن.
4. دوعاى لێوه‌رناگيرێت.
5. پياو چاكان دوعاى خێرى بۆ ناكه‌ن.

• سێ سزا له‌سه‌ره‌مه‌رگدا:

1. به‌بێ كه‌س و زه‌ليلى ده‌مرێت.
2. به‌برسێتى ده‌مرێت.
3. به‌تينوێتى ده‌مرێت.

• سێ سزا له‌ناو گۆڕدا:

1. گۆڕه‌كه‌ى زۆر ته‌سك ده‌بێته‌وه‌ تاپه‌راسوه‌كانى تێك ده‌شكێت.
2. ئاگر به‌ر ده‌بێته‌ گۆره‌كه‌ى.
3. مارێكى بۆ دێت به‌ناوى (سجاع الاقرع)ه‌ لێيده‌دات بۆ هه‌ر نوێژێك كه‌نه‌يكردوه‌,بۆ ماوه‌ى نێوان ئه‌و نوێژه‌ بۆ نوێژێكى دواى ئه‌و,هه‌ر كاتێك پێيدا ده‌ كێشێت حه‌فتا باڵ به‌ناخى زه‌ويدا ڕۆده‌چێت

• سێ سزا له‌قيامه‌تدا:
1. فريشته‌يه‌كى بۆ دێت به‌ده‌مدا ڕايده‌كێشێت .
2. خواى گه‌وره‌ به‌ده‌موچاوێكى توڕه‌وه‌ سه‌يرى ده‌كات,له‌ترسا گۆشتى ده‌موچاوى داده‌ ماڵرێت و لێى ده‌بێته‌وه‌.
3. خواى گه‌وره‌ لێپرسينه‌وه‌يه‌كى توندى له‌گه‌ڵدا ده‌كات وفه‌رمان ده‌كات بيخه‌نه‌ خراپترين شوێنه‌وه‌ له‌ئاگردا.

ئه‌گه‌ر سزاى كه‌سێكى ته‌مه‌ڵ له‌نوێژه‌كانيدا به‌م جۆره‌ بێت ئايا سزاى كه‌سێك كه‌ نوێژ نه‌كات چۆن ده‌بێت؟ كه‌واته‌ باهه‌موومان ئاگادارى نوێژه‌كانمان بين له‌هه‌ر شوێن وبارو دۆخێكدا بين ,
خواى گه‌وره‌ ده‌فه‌رموێت ... إِنَّ الصَّلاَةَ كَانَتْ عَلَى الْمُؤْمِنِينَ كِتَابًا مَّوْقُوتًا) النساء ئايه‌تي‌ 103
كه‌واته‌ باله‌وكاتانه‌دا كه‌بۆ نوێژه‌كان دياريكراون نوێژه‌كانمان ئه‌نجام بده‌ين نه‌ك دوايبخه‌ين

بؤ ئاسانكردنى كارةكانت بلئ
أللهم لاسهل إلا ما جعلته سهلا وأنت تجعل الحزن إذا شئت سهلا
واتة پةروةردگارا هيچ ئاسانييةك نيية مةگةر تؤ ئاسانت كردبئ و هةر تؤش كارى سةخت و دژوار ئاسان دةكةى ئةگةر خواستت لةسةربئ

لةكاتى بةريكةوتن بؤ تاقيكردنةوةكان بلئ
رب أدخلني مدخل صدق وأخرجني مخرج صدق واجعل لي من لدنك سلطانا نصيرا
واتة بلئ پةروةردگارا يارمةتيم بدة تاهةر كاتيك دةست بةكارى هةر خيريك بووم بةچاكى و راستى و دروستى ئةنجامى بدةم و لةهةر كاريك بوومةوةو ئةنجامدا سةرةنجاميكى چاكى هةبيت بةجوانى ليى دةرچم و هةميشةو بةردةوام لةلايةن خؤتةوة دةسةلاتيكم پئ ببةخشة كةببيتة هؤى سةركةوتنى بةردةوامم

لةكاتى وةرگرتنى دةفتةرى تاقيكردنةوةكان بلئ
رب اشرح لي صدري ويسر لي أمري واحلل عقدة من كساني يفقهوا قولي
اللهم إني أسألك ماعلمتنيه فازدده إلي عند حاجتي إليه ولا تنسانيه يارب العالمين أللهم أخرجني من ظلمات الوهم واكرمني بنور الفهم وعلمني من كل علم يا أرحم الراحمين ويا أكرم الأكرمين
واتة پةروةردگارا سينةو دل و دةروونم ئاسوودة و گوشاد بكة،ئيش و كارو هةول و كؤششم بؤ ئاسان بكة،گريى زمانم بكةرةوة و زمانم پاراو بكة تا لةقسة و گوفتارو مةرامم تيبگةن
پةروةردگارا من داواى ئةوةت ليدةكةم كةوا فيرمت كردووة،لةكاتيك كةپيوستم پييةتى بؤمى بهينةرةوة و لةيادم نةبةيتةوة ئةى پةروةردگارى جيهانةكان پةروةردگارا لةتاريكايى وةهم و خةيال دةرم بهينةو رووناكى تيگةيشتنم پئ ببةخشةو فيرى هةموو زانستيكم بكة ئةى بةزةيى تر لةهةموو كةسيكى بةبةزةيى و ئةى بةخشندةتر لةهةموو كةسيكى بةخشندة

لةكاتى بينينى پرسيارى قورس و گران بلئ
أللهم رحمتك أرجو فلاتكلني إلى نفسي طرفة عين أصلح لي شأني كلة لا إله إلا أنت
واتة پةروةردگارا چاوةريى رةحمةت و بةزةيى تؤم جا بؤ چاو تروكانيكيش بةخؤم مةسپيرة و هةموو كاروبارةكانيشم بؤ چاك بكة جگة لةتؤ هيچ پةرستراويكى تر نيية

لةكاتى لةبيركردنى شتيكدا بلئ
عسى أن يهديني ربي لأقرب من هذا رشدا
واتة ئوميدةوارم پةروةردگارم رينمونيم بكات و بؤ بةلگةيةكى نزيكتر لةمة تابةو شيوةيةى پيى چاكة و لاى پةسةندة جئ بةجئ ى بكةم

چةند رينماييةك بؤ سةركةوتنت لةقؤناغى خويندندا
١- كةدةستت كرد بةوةلامدانةوةى پرسيار يةكةمجار بةناوى خوا دةست پئ بكة
٢- متمانة بةخؤبوون بةوةى كةسةردةكةويت و دةگةيت بةئامانجيكى پيرؤز
٣- لةخؤرابينين و بةكةم رازى نةبوون دةبيت بروات بةشكست نةبيت بةلكو بروات بةگؤرينى شيوازى كارو هةولدانى زؤر هةبيت
٤- هاورييةتى لةگةل كةسانيك بكة كةهةولى سةركةوتن دةدةن و لةلاى قوتابيةك دابنيشى سةركةوتووبيت نةك قوتابيةك غةش بكات
٥- رينماييةكانى مامؤستا رةچاو بكة لةكاتى تاقيكردنةوة هةول بدة كام پرسيار ئاسانة ئةو وةلام بدةرةوة تاكاتت بةفيرؤ نةچيت.

١-هه‌رکه‌سێك شه‌وان به‌ ده‌ست نوێژ بخه‌وێت.
2 هه‌رکه‌سێك دابنیشت و چاوه‌روانی کاتی نوێژ بکات.
3 هه‌رکه‌سێك له‌ رێزی پێشه‌وه‌ێ نوێژی جه‌ماعه‌ت بێت.
...4 هه‌رکه‌سێك له‌ نوێژی جه‌ماعه‌ت له‌ لای راستی ئیمامه‌وه‌ بێت.
5 هه‌رکه‌سێك رێزی نوێژی جه‌ماعه‌ت به‌یه‌كتری بگه‌یه‌نێت.
6 ئه‌وانه‌ی که‌ ده‌ڵێن (ئامین) له‌ نوێژی جه‌ماعه‌تدا.
7 هه‌رکه‌سێك بمینێته‌وه‌ و دابینشێت له دوای‌ نوێژی جه‌ماعه‌ت.
8 هه‌رکه‌سێك نوێژی به‌یانی و عه‌سر به‌ جه‌ماعه‌ت ئه‌نجام بدات.
9 هه‌رکه‌سێك دروود و صلاوات بدات له‌سه‌ر پێغه‌مبه‌ری خودا(د.خ).
10 هه‌رکه‌سێك بۆ برایه‌کی موسڵمانی بپارێته‌وه‌ له‌ پاشمله.
11 هه‌رکه‌سێك مال و سامان ببه‌خشێت له‌ پێناو خودا.
12 هه‌رکه‌سێك به‌ رۆژوو بێت و پاش شێو بکات.
13 هه‌رکه‌سێك میوانی رۆژووانی هه‌بێت و بۆی بپارێته‌وه‌.
14 هه‌رکه‌سێك سه‌ردانی نه‌خۆش بکات.
15 هه‌رکه‌سێك قسه‌ی خێر بکات له‌سه‌ر نه‌خۆش، یان له‌سه‌ر مردوو.
16 هه‌رکه‌سێك خه‌ڵك فێری کاری خێر و باش بکات.
17 هه‌رکه‌سێك ته‌وبه‌ بکات و بگه‌رێته‌وه‌ بۆ لای خودا.

‎(ئیبن قه‌يیم) له‌وته‌یه‌کی زۆرجوانیدا ده‌فه‌رموێت :
*دلخۆشبونت به‌گوناه لای خوا زۆر قورستره‌ له‌ گوناهه‌كه‌.!
*پێکه‌نینت له‌ کاتێکدا که‌گوناه ده‌که‌یت لای خواقورستره‌ له‌ گوناهه‌که.!
*دلته‌نگیت به‌له‌ده‌ست چونی گوناهه‌که‌ لای خوا قورستره‌ له‌ گوناهه‌که‌.!
*سوربونت له‌سه‌رئه‌وه‌ی که‌به‌لاته‌وه‌ ئاسای بیت گوناه بکه‌یت و دڵت رانه‌چڵه‌کێ به‌وه‌ی که‌خوای گه‌وره‌ چاوی لێته ‌لای خوا قورستره‌ له‌ گوناهه‌که.

1- خوێندنی سوره‌تی (الملك) ئه‌تپارێزێت له‌ سزای ناو قه‌بر نه‌كه‌ی پێش ئه‌وه‌ی بیخوێنیت بخه‌ویت......



ئه‌گه‌ر ئه‌ته‌ویت به‌ ده‌نگ و وینه‌ بیبنی كلیك لیره‌ بكه‌http://tanzil.net/#67:1


بِسْمِ اللَّـهِ الرَّحْمَـٰنِ الرَّحِيمِ

تَبَارَكَ الَّذِي بِيَدِهِ الْمُلْكُ وَهُوَ عَلَىٰ كُلِّ شَيْءٍ قَدِيرٌ ﴿١﴾الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا ۚ وَهُوَ الْعَزِيزُ الْغَفُورُ ﴿٢﴾الَّذِي خَلَقَ سَبْعَ سَمَاوَاتٍ طِبَاقًا ۖ مَّا تَرَىٰ فِي خَلْقِ الرَّحْمَـٰنِ مِن تَفَاوُتٍ ۖ فَارْجِعِ الْبَصَرَ هَلْ تَرَىٰ مِن فُطُورٍ ﴿٣﴾ثُمَّ ارْجِعِ الْبَصَرَ كَرَّتَيْنِ يَنقَلِبْ إِلَيْكَ الْبَصَرُ خَاسِئًا وَهُوَ حَسِيرٌ ﴿٤﴾وَلَقَدْ زَيَّنَّا السَّمَاءَ الدُّنْيَا بِمَصَابِيحَ وَجَعَلْنَاهَا رُجُومًا لِّلشَّيَاطِينِ ۖ وَأَعْتَدْنَا لَهُمْ عَذَابَ السَّعِيرِ ﴿٥﴾وَلِلَّذِينَ كَفَرُوا بِرَبِّهِمْ عَذَابُ جَهَنَّمَ ۖ وَبِئْسَ الْمَصِيرُ ﴿٦﴾إِذَا أُلْقُوا فِيهَا سَمِعُوا لَهَا شَهِيقًا وَهِيَ تَفُورُ ﴿٧﴾تَكَادُ تَمَيَّزُ مِنَ الْغَيْظِ ۖ كُلَّمَا أُلْقِيَ فِيهَا فَوْجٌ سَأَلَهُمْ خَزَنَتُهَا أَلَمْ يَأْتِكُمْ نَذِيرٌ ﴿٨﴾قَالُوا بَلَىٰ قَدْ جَاءَنَا نَذِيرٌ فَكَذَّبْنَا وَقُلْنَا مَا نَزَّلَ اللَّـهُ مِن شَيْءٍ إِنْ أَنتُمْ إِلَّا فِي ضَلَالٍ كَبِيرٍ ﴿٩﴾وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ ﴿١٠﴾فَاعْتَرَفُوا بِذَنبِهِمْ فَسُحْقًا لِّأَصْحَابِ السَّعِيرِ ﴿١١﴾إِنَّ الَّذِينَ يَخْشَوْنَ رَبَّهُم بِالْغَيْبِ لَهُم مَّغْفِرَةٌ وَأَجْرٌ كَبِيرٌ ﴿١٢﴾ وَأَسِرُّوا قَوْلَكُمْ أَوِ اجْهَرُوا بِهِ ۖ إِنَّهُ عَلِيمٌ بِذَاتِ الصُّدُورِ ﴿١٣﴾أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ ﴿١٤﴾هُوَ الَّذِي جَعَلَ لَكُمُ الْأَرْضَ ذَلُولًا فَامْشُوا فِي مَنَاكِبِهَا وَكُلُوا مِن رِّزْقِهِ ۖ وَإِلَيْهِ النُّشُورُ ﴿١٥﴾أَأَمِنتُم مَّن فِي السَّمَاءِ أَن يَخْسِفَ بِكُمُ الْأَرْضَ فَإِذَا هِيَ تَمُورُ ﴿١٦﴾أَمْ أَمِنتُم مَّن فِي السَّمَاءِ أَن يُرْسِلَ عَلَيْكُمْ حَاصِبًا ۖ فَسَتَعْلَمُونَ كَيْفَ نَذِيرِ ﴿١٧﴾وَلَقَدْ كَذَّبَ الَّذِينَ مِن قَبْلِهِمْ فَكَيْفَ كَانَ نَكِيرِ ﴿١٨﴾أَوَلَمْ يَرَوْا إِلَى الطَّيْرِ فَوْقَهُمْ صَافَّاتٍ وَيَقْبِضْنَ ۚ مَا يُمْسِكُهُنَّ إِلَّا الرَّحْمَـٰنُ ۚ إِنَّهُ بِكُلِّ شَيْءٍ بَصِيرٌ ﴿١٩﴾أَمَّنْ هَـٰذَا الَّذِي هُوَ جُندٌ لَّكُمْ يَنصُرُكُم مِّن دُونِ الرَّحْمَـٰنِ ۚ إِنِ الْكَافِرُونَ إِلَّا فِي غُرُورٍ ﴿٢٠﴾أَمَّنْ هَـٰذَا الَّذِي يَرْزُقُكُمْ إِنْ أَمْسَكَ رِزْقَهُ ۚ بَل لَّجُّوا فِي عُتُوٍّ وَنُفُورٍ ﴿٢١﴾أَفَمَن يَمْشِي مُكِبًّا عَلَىٰ وَجْهِهِ أَهْدَىٰ أَمَّن يَمْشِي سَوِيًّا عَلَىٰ صِرَاطٍ مُّسْتَقِيمٍ ﴿٢٢﴾قُلْ هُوَ الَّذِي أَنشَأَكُمْ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ ۖ قَلِيلًا مَّا تَشْكُرُونَ ﴿٢٣﴾قُلْ هُوَ الَّذِي ذَرَأَكُمْ فِي الْأَرْضِ وَإِلَيْهِ تُحْشَرُونَ ﴿٢٤﴾وَيَقُولُونَ مَتَىٰ هَـٰذَا الْوَعْدُ إِن كُنتُمْ صَادِقِينَ ﴿٢٥﴾قُلْ إِنَّمَا الْعِلْمُ عِندَ اللَّـهِ وَإِنَّمَا أَنَا نَذِيرٌ مُّبِينٌ ﴿٢٦﴾فَلَمَّا رَأَوْهُ زُلْفَةً سِيئَتْ وُجُوهُ الَّذِينَ كَفَرُوا وَقِيلَ هَـٰذَا الَّذِي كُنتُم بِهِ تَدَّعُونَ ﴿٢٧﴾قُلْ أَرَأَيْتُمْ إِنْ أَهْلَكَنِيَ اللَّـهُ وَمَن مَّعِيَ أَوْ رَحِمَنَا فَمَن يُجِيرُ الْكَافِرِينَ مِنْ عَذَابٍ أَلِيمٍ ﴿٢٨﴾قُلْ هُوَ الرَّحْمَـٰنُ آمَنَّا بِهِ وَعَلَيْهِ تَوَكَّلْنَا ۖ فَسَتَعْلَمُونَ مَنْ هُوَ فِي ضَلَالٍ مُّبِينٍ ﴿٢٩﴾قُلْ أَرَأَيْتُمْ إِنْ أَصْبَحَ مَاؤُكُمْ غَوْرًا فَمَن يَأْتِيكُم بِمَاءٍ مَّعِينٍ ﴿٣٠﴾


------------

2- هه‌ر كه‌سیك دوو ئایه‌تی كۆتای سوره‌تی به‌قره‌ بخوینیت پیش خه‌وتن به‌سیه‌تی ئه‌وه شه‌وه‌

پێکەوە دوو ئایەتـــــــــــــى کۆتاى ئەم سورەتە بخوێنیین
بسم الله الرحمن الرحيم
آمَنَ الرَّسُولُ بِمَا أُنزِلَ إِلَيْهِ مِن رَّبِّهِ وَالْمُؤْمِنُونَ كُلٌّ آمَنَ بِاللّهِ وَمَلآئِكَتِهِ وَكُتُبِهِ وَرُسُلِهِ لاَ نُفَرِّقُ بَيْنَ أَحَدٍ مِّن رُّسُلِهِ وَقَالُواْ سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ 285
لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ 286

ئه‌وه‌ی زۆر پی بکه‌نیت رێزی که‌م ده‌بیته‌وه‌ ئه‌وه‌ش گالته‌ بکات پیی سوک ده‌بێ ،که‌سیک شتیک زۆر دوباره‌ بکاته‌وه‌ پیی ده‌ناسریته‌وه‌،ئه‌وه‌ی زۆر بدوی توشی هه‌له‌ ده‌بیت،
که‌سیکیش هه‌له‌ زۆر بکات شه‌رمی که‌م ده‌بیته‌وه‌ ،پا‌شان شه‌رمی نامینیت و دڵی ده‌مریت.

ئه‌بو هوره‌یره‌(خوای لێ ڕازبێت )ده‌فه‌رمووێت: پێغه‌مبه‌ر (دروودو سه‌لامی خوای له‌سه‌ر بێت)فه‌رمووی:
((پیاوێك بۆ سه‌ردانی هاوڕێكه‌یی به‌ره‌و ئه‌و گونده‌ كه‌وته‌ ڕێ كه‌هاوڕێكه‌ی لێ بوو به‌فه‌رمانی خوا فریشته‌یه‌ك چووه‌ سه‌ر ڕێگاكه‌ی و لێ پرسی:
بۆ كوێ ده‌چیت؟ ئه‌ویش ووتی ده‌چمه‌ سه‌ردانی هاوڕێكه‌م له‌و گونده‌ جارێكی تر لێی پرسی یه‌وه‌ ئایا هیچ چاكه‌یه‌كی له‌گه‌ڵتا كردووه‌ وا به‌په‌رۆشی بۆی؟ ووتی نه‌خێر ته‌نها له‌به‌ر خاتری خوا خۆشم ویستووه‌. ئینجا فریشته‌كه‌ ووتی من له‌لایه‌ن خواوه‌ نێرراوم تا پێت ڕابگه‌یه‌نم كه‌ خواش تۆی خۆش ده‌وێت))
(حدیث صحیح واخرجه‌ مسلم و احمد)

ئەمە بەسەرهاتێكە كە كۆن نابێت:

دكتۆرگارى رِیمۆند میله‌ر (G. R. Miller) كه‌ موبه‌شیر (مونه‌سیر)ێكى خه‌ڵكى كه‌نه‌دا و، مامۆستایه‌كى پسپۆرِى زانسته‌كانى "بیركارى " و "مه‌نتیق " بوو له‌ زانكۆى تۆرینتۆ، ساڵى (1977ز) به‌شداریى مونازه‌ره‌یه‌كى كرد له‌گه‌ل زاناى موسڵمان مامۆستا ئه‌حمه‌د دیدات، خوا لێى خۆش بێت. له‌و مونازه‌ریه‌دا "دكتۆر گارى میله‌ر " نوێنه‌رى لایه‌نى مه‌سیحى بوو.

هه‌ر ئه‌و كاته‌ و له‌ ده‌مى مونازه‌ره‌كه‌دا كه‌سایه‌تیى به‌هێزى "د. میله‌ر " بۆ ئاماده‌بووان ده‌ركه‌وت، چونكه‌ له‌ لایه‌كه‌وه‌ به‌ڵگه‌ى به‌هێز و ئاماده‌ى له‌سه‌ر قسه‌كانى خۆى ده‌هێنایه‌وه‌، له‌ لایه‌كى تریشه‌وه‌ كاتێ‌ به‌ڵگه‌ى به‌هێزترى لایه‌نى زانا موسڵمانه‌كه‌ى ده‌بیست یه‌كسه‌ر ویژدانى ده‌خسته‌كار و ده‌مارگیریى ئایینیى ده‌نایه‌ لاوه‌!! ئه‌م دیارده‌یه‌ش كه‌ له‌م مرۆڤه‌ به‌ویژدان و كه‌سایه‌تىیه‌ به‌هێزه‌دا بینرا، هانى ئه‌و لاوانه‌ى دا كه‌ ئاماده‌ى مونازه‌ره‌كه‌ بوون ئاوات بخوازن "د. میله‌ر " موسڵمان ببێت!

دواى ئه‌وه‌.. "د. میله‌ر " ویستى خزمه‌تێكى گه‌وره‌ پێشكه‌ش به‌ مه‌سیحیه‌ت بكات و، به‌ نیازى ئه‌وه‌ى كه‌ هه‌ڵه‌ى زانستى و مێژوویى له‌ قورئاندا بدۆزێته‌وه‌، ده‌ستى دایه‌ توێژینه‌وه‌ و لێكۆڵینه‌وه‌ له‌سه‌ر قورئان، تاكو خۆى و مونه‌سیره‌كانى هاورِێى له‌ ده‌مى بانگهێشتى موسڵماناندا بۆ ئایینى مه‌سیحى سوودى لـێ ‌وه‌ربگرن.
ئه‌مه‌ نیازى "د. میله‌ر " بوو كاتێ‌ ده‌ستى دایه‌ لێكۆڵینه‌وه‌ له‌ قورئانى پیرۆز..

به‌ڵام ئایا گه‌یشته‌ چ ئه‌نجامێك؟
دیاره‌ "د. میله‌ر " به‌ رِوانینى كه‌سێكى مه‌سیحىو، به‌ وێنه‌ى شاره‌زایه‌ك له‌وه‌ى كه‌ پێى ده‌ڵێن: (كتێبى پیرۆز Bible) و ئاگادار له‌ سه‌رجه‌م نهێنىیه‌كانى ئه‌و كتێبه‌ و، به‌ تێرِوانینه‌ كه‌نیسه‌ییه‌كانى پێشووى كه‌وته‌ توێژینه‌وه‌ له‌ قورئانى پیرۆز.. به‌ڵام له‌ لایه‌كى تره‌وه‌ پێگه‌ زانستىیه‌كه‌ى ئه‌وه‌ى لێ‌ ده‌خواست كه‌ به‌ وردى له‌ قورئان رِابمێنێت و برِیارى بێ‌ به‌ڵگه‌ نه‌دات.
له‌ سه‌ره‌تادا چاوه‌رِوانى ئه‌وه‌ى ده‌كرد كه‌ ئه‌و قورئانه‌ى پێى وایه‌ كتێبێكى كۆنه‌ و چوارده‌ سه‌ده‌ پێشتر نووسراوه‌، باس له‌ بیابان و شتى كۆن بكات.. به‌ڵام زۆر سه‌رى سوورِما كاتێ‌ كه‌ زانیى بۆچوونه‌كانى پێشووى هه‌ڵه‌ن، به‌تایبه‌ت كه‌ بۆى ده‌ركه‌وت قورئان له‌ چه‌ند شتێكى ئه‌وتۆ دواوه‌ له‌ هیچ كتێبێكى ترى جیهاندا باسیان نىیه‌!
واته‌ یه‌كه‌م ده‌ره‌نجامى لێكۆڵینه‌وه‌كه‌ى "د.میله‌ر " رِاستكردنه‌وه‌ى تێگه‌شتنه‌ هه‌ڵه‌كانى خۆى بوو ده‌رباره‌ى قورئان! كه‌ ئه‌وه‌ش رِه‌هه‌ندێكى گونجاو بوو تاكو به‌ تێرِوانینێكى قووڵتر و پشوویه‌كى درێژتر له‌ قورئان بكۆڵێته‌وه‌. چونكه‌:
* له‌ پێشدا چاوه‌رِێى ئه‌وه‌ى ده‌كرد قورئان چه‌ند رِووداوێكى دڵته‌زێن بگێرِێته‌وه‌ كه‌ به‌سه‌ر پێغه‌مبه‌ردا (صلى الله عليه وسلم ) هاتوون، وه‌ك وه‌فاتى خه‌دیجه‌ى خێزانى و وه‌فاتى مناڵه‌كانى، كه‌چى هیچ شتێكى له‌و جۆره‌ى له‌ قورئاندا نه‌بینى. ته‌نانه‌ت ئه‌و شته‌ى زیاتر سه‌رسامى كرد ئه‌وه‌بوو سووره‌تێكى سه‌رتاسه‌ریى له‌ قورئاندا بینى به‌ ناوى "مه‌ریه‌م " كه‌ به‌وپه‌رِى رِێز و حورمه‌ته‌وه‌، به‌ڵكو زۆر زیاتر له‌ هى ئینجیله‌كان و هه‌موو كتێبى دیانه‌كانیش له‌باره‌ى "مه‌ریه‌م "ى دایكى حه‌زره‌تى عیسا - دروودیان له‌سه‌ر بێت - ده‌دوێ‌آ و داكۆكیى لـێ ‌ده‌كات! به‌رامبه‌ر به‌وه‌ش سه‌رنجى دا هیچ سووره‌تێك له‌ قورئاندا نىیه‌ به‌ ناوى "خه‌دیجه‌ " و "عائیشه‌ " و "فاتیمه‌ " خوایان لـێ‌ رِازى بێت!
* پاشان بۆى ده‌ركه‌وت كه‌ قورئان (بیست و پێنج) جار به‌ رِێزه‌وه‌ ناوى حه‌زره‌تى عیساى - دروودى خواى له‌سه‌ر بێت - هێناوه‌، كه‌چى ته‌نها (پێنج) جار ناوى پێغه‌مبه‌رى ئیسلام حه‌زره‌تى محه‌ممه‌د (صلى الله عليه وسلم) له‌ هه‌موو قورئاندا هاتووه‌!
ئه‌م تێبینىیانه‌ى باس كران هانى "د.میله‌ر "یان دا كه‌ پتر له‌ قورئان ورد بێته‌وه‌. ئه‌وه‌ش كۆمه‌ڵێ‌ سه‌رنجى گرنگ و ناوازه‌ى ئه‌وتۆى پێ‌ به‌خشى كه‌ برِیارى چاره‌نووسى خۆى بدات و رِه‌وتى ژیانى به‌ ئاراسته‌یه‌كى تردا ببات.

سه‌رنجه‌ گرنگه‌كانى "د. میله‌ر " له‌ قورئان:
ئێمه‌ لێره‌دا چه‌ند دانه‌یه‌ك له‌و سه‌رنجانه‌ى "د.میله‌ر " ده‌هێنین كه‌ به‌سه‌رچوونى رِۆژگار كۆنیان ناكات و، له‌ هه‌موو كات و شوێنێكدا سوودیان لـێ‌ وه‌رده‌گیرێت:
1 - خواى گه‌وره‌ ده‌فه‌رموێ‌:
(أَفَلاَ يَتَدَبَّرُونَ الْقُرْآنَ وَلَوْ كَانَ مِنْ عِندِ غَيْرِ اللّهِ لَوَجَدُواْ فِيهِ اخْتِلاَفاً كَثِيراً ) النساء : ٨٢ .
واته‌: (ئایا بۆچى له‌ قورئان رِانامێنن؟ خۆ ئه‌گه‌ر له‌ لایه‌ن غه‌یرى خواوه‌ بهاتایه‌ گه‌لـێ ‌جیاوازى و ناسازییان تێدا ده‌بینىیه‌وه‌).
"د. میله‌ر " به‌ وردى له‌م ئایه‌ته‌دا رِۆچوو، چونكه‌ ده‌ڵێت:
یه‌كێ‌ له‌ بنه‌ما زانستىیه‌كان بۆ دۆزینه‌وه‌ى "رِاستى " ئه‌وه‌یه‌ كه‌ پێى ده‌ڵێن: (Falsification test) و، بریتىیه‌ له‌وه‌ى كه‌ مرۆڤ له‌ناو بیردۆزه‌كاندا به‌ دواى هه‌ڵه‌كاندا بگه‌رِێت، كاتێ‌ هه‌ڵه‌ى تێدا نه‌دۆزینه‌وه‌ ئه‌و كاته‌ رِاستیى ئه‌و بۆچوونانه‌ ده‌رده‌كه‌وێت و ده‌سه‌لمێت.
"د. میله‌ر " ده‌ڵێت: سه‌یر له‌وه‌دایه‌ ئه‌م ئایه‌ته‌ خۆى داوا له‌ خوێنه‌رانى ده‌كات كه‌ به‌ دواى هه‌ڵه‌دا بگه‌رِێن له‌ قورئاندا! ئه‌مه‌ش به‌ڵگه‌یه‌ له‌سه‌ر ئه‌وه‌ى كه‌ قورئان قسه‌ى مرۆڤ نىیه‌، چونكه‌ هیچ مرۆڤێك ناتوانێ‌ هێنده‌ متمانه‌ى به‌خۆى ببێت كه‌ لافى له‌و جۆره‌ لـێ‌ ‌بدات. له‌ولاشه‌وه‌، له‌سه‌ر زه‌مینه‌ى واقیعدا، ماوه‌ى هه‌زار و چوارسه‌د ساڵه‌ ئه‌م ته‌حه‌ددىیه‌ به‌رده‌وامه‌، كه‌چى كه‌سێك نه‌یتوانیوه‌ (به‌ رِێبازێكى زانستییانه‌) پێچه‌وانه‌ى ئه‌م ئایه‌ته‌ بسه‌لمێنێت.
2 - هه‌ڵوێستێكى دیكه‌ى قورئان كه‌ سه‌رنجى رِاكێشا، ئه‌وه‌یه‌ قورئان چه‌ندین زانیارى به‌ پێغه‌مبه‌ر(صلى الله عليه وسلم) ده‌به‌خشێت، پاشان پێى ده‌فه‌رموێت: پێش هاتنى قورئان نه‌ خۆت و نه‌ قه‌ومه‌كه‌ت ئه‌م زانیارىیانه‌تان له‌ لا نه‌بوو:
( ذَلِكَ مِنْ أَنبَاء الْغَيْبِ نُوحِيهِ إِلَيكَ وَمَا كُنتَ لَدَيْهِمْ إِذْ يُلْقُون أَقْلاَمَهُمْ أَيُّهُمْ يَكْفُلُ مَرْيَمَ وَمَا كُنتَ لَدَيْهِمْ إِذْ يَخْتَصِمُونَ)آل عمران: ٤٤ .
تِلْكَ مِنْ أَنبَاء الْغَيْبِ نُوحِيهَا إِلَيْكَ مَا كُنتَ تَعْلَمُهَا أَنتَ وَلاَ قَوْمُكَ مِن قَبْلِ هَـذَا فَاصْبِرْ إِنَّ الْعَاقِبَةَ لِلْمُتَّقِينَ هود:٤٩
ذَلِكَ مِنْ أَنبَاء الْغَيْبِ نُوحِيهِ إِلَيْكَ وَمَا كُنتَ لَدَيْهِمْ إِذْ أَجْمَعُواْ أَمْرَهُمْ وَهُمْ يَمْكُرُونَ يوسف: ١٠٢. "د. میله‌ر " ده‌ڵێت: ئه‌مه‌ شێوازێكه‌ له‌ هیچ كتێبێكى ئایینیدا نایبینیت. مرۆڤ سه‌رى له‌وه‌ سوورِ ده‌مێنێت كه‌ خه‌ڵكى مه‌ككه‌ و دوژمنانى پێغه‌مبه‌ر (صلى الله عليه وسلم) ئه‌م ئایه‌تانه‌یان ده‌بیست، به‌ڵام كه‌سیان وه‌ڵامى نه‌دایه‌وه‌ كه‌ بڵێت: (نه‌خێر، ئه‌م زانیارىیانه‌ تازه‌ نین، زووتر زانیومانه‌)! چونكه‌ له‌ رِاستیدا زانیاریى نوێ‌ بوون، له‌به‌ر ئه‌وه‌ى سه‌رچاوه‌كه‌یان وه‌حیى خواى گه‌وره‌ بوو، نه‌ك ژیریى مرۆڤ.
3 - خاڵیكى ترى جێى سه‌رنجدانى "د. میله‌ر " لایه‌نى "ئیعجازى زانستى " بوو له‌ قورئانى پیرۆزدا. له‌م رِووه‌وه‌ جه‌خت له‌وه‌ ده‌كاته‌وه‌ كه‌ قورئان په‌یوه‌ست نىیه‌ به‌ كات و شوێنێكى دیارى كراو، به‌ڵكو بۆ هه‌موو كات و شوێنه‌كانه‌، هه‌روه‌ك ئاماژه‌ زانستىیه‌كانیشى ناگونجێ ‌زاده‌ى بیرى مرۆڤ بن، نه‌خوازه‌ڵا چوارده‌ سه‌ده‌ پێش ئێستا و له‌ بیاباندا. بۆ نموونه‌ سه‌یرى كرد ئه‌و بابه‌ته‌ى كه‌ ئایه‌تى: ( أَوَلَمْ يَرَ الَّذِينَ كَفَرُوا أَنَّ السَّمَاوَاتِ وَالْأَرْضَ كَانَتَا رَتْقاً فَفَتَقْنَاهُمَا وَجَعَلْنَا مِنَ الْمَاء كُلَّ شَيْءٍ حَيٍّ أَفَلَا يُؤْمِنُونَ) الأنبياء : ٣٠ لێى ده‌دوێ‌ هه‌مان بابه‌تى زانستیى (ته‌قینه‌وه‌ مه‌زنه‌كه‌)یه‌ كه‌ ساڵى (1973ز) خه‌ڵاتى نۆبڵى له‌سه‌ر وه‌رگیرا. ئه‌و كاته‌ زانست بۆى سه‌لما كه‌ "گه‌ردوونى سه‌ره‌تا " یه‌ك پارچه‌ى یه‌كگرتوو بووه‌، به‌ڵام له‌ ئه‌نجامى ته‌قینه‌وه‌یه‌كى مه‌زن ئاسمان و گه‌له‌ستێره‌ و ئه‌ستێره‌ و هه‌ساره‌كان دروست بوون. "د. میله‌ر " كه‌ سه‌رنجى ئه‌م ئایه‌ته‌ى دا بۆى ده‌ركه‌وت (الرتق) به‌ شتێك ده‌وترێ‌ كه‌ یه‌ك پارچه‌ بێت، به‌ڵام (الفتق) به‌ شتى هه‌ڵوه‌شاو ده‌وترێت. كه‌واته‌ ئه‌گه‌ر قورئان گوفتارى خواى گه‌وره‌ نه‌بێت ئه‌سته‌مه‌ چوارده‌ سه‌ده‌ پێش ئێستا مرۆڤێك هه‌واڵى رِاستىیه‌كى له‌و جۆره‌ بدات.
هه‌ر له‌م ئایه‌ته‌دا ئیعجازێكى ترى زانستى سه‌رنجى رِاكێشا، كه‌ بریتىیه‌ له‌وه‌ى: "ئاو " سه‌رچاوه‌ى ژیانى هه‌موو زینده‌وه‌رانه‌
( أَوَلَمْ يَرَ الَّذِينَ كَفَرُوا أَنَّ السَّمَاوَاتِ وَالْأَرْضَ كَانَتَا رَتْقاً فَفَتَقْنَاهُمَا وَجَعَلْنَا مِنَ الْمَاء كُلَّ شَيْءٍ حَيٍّ أَفَلَا يُؤْمِنُونَ ) الأنبياء: ٣٠
"د. میله‌ر " ده‌ڵێت:
ئه‌مه‌ شتێكى سه‌رسوورِهێنه‌ره‌! چونكه‌ زانستى نوێ‌ به‌م دواییه‌ سه‌لماندوویه‌تى كه‌ خانه‌ى زیندوو له‌ سایتۆپلازم دروست ده‌بێت كه‌ 80%ى خانه‌ پێكده‌هێنێت، سایتۆپلازمیش به‌ شێوه‌یه‌كى بنه‌رِه‌تى له‌ ئاو پێكدێت. جا ئایا پیاوێكى نه‌خوێنده‌وار كه‌ هه‌زار و چوارسه‌د سال پێش ئێستا ژیاوه‌ له‌ كوێ ‌هه‌موو ئه‌مانه‌ى ده‌زانى ئه‌گه‌ر په‌یوه‌ست نه‌بووبێت به‌ سرووشى خواى گه‌وره‌وه‌؟
4 – پاشان له‌ وه‌ڵامى ئه‌و دوژمنانه‌دا كه‌ ده‌ڵێن: (شه‌یتانه‌كان یارمه‌تیى محه‌ممه‌د (صلى الله عليه وسلم) ده‌ده‌ن).. "د. میله‌ر " ده‌ڵێت:
سه‌یرى قورئان بكه‌ ده‌فه‌رموێت:
( َمَا تَنَزَّلَتْ بِهِ الشَّيَاطِينُ. وَمَا يَنبَغِي لَهُمْ وَمَا يَسْتَطِيعُونَ. إِنَّهُمْ عَنِ السَّمْعِ لَمَعْزُولُونَ الشعراء: ٢١٠ - ٢١٢. فَإِذَا قَرَأْتَ الْقُرْآنَ فَاسْتَعِذْ بِاللّهِ مِنَ الشَّيْطَانِ الرَّجِيمِ) النحل: ٩٨
ئنجا ده‌ڵێ‌: ئایا ئه‌مه‌ شێوازى شه‌یتانه‌ له‌ نووسینى كتێبێكدا؟ واته‌: ئایا شه‌یتان هه‌رگیز ده‌چێت كتێبێك بنووسێت و پاشان به‌ خوێنه‌ره‌كه‌ى بڵێت: (كاتێ‌ ئه‌م كتێبه‌م ده‌خوێنیته‌وه‌ په‌نا به‌ خوا بگره‌ له‌ شه‌رِ و خراپه‌ى من)!!
5 - به‌سه‌رهاتى پێغه‌مبه‌ر (صلى الله عليه وسلم) له‌گه‌لڕ (ئه‌بووله‌هه‌بى مامى) یه‌كێكه‌ له‌ موعجیزه‌كانى دیكه‌ى قورئان كه‌ كاریگه‌ریى گرنگى له‌سه‌ر "د. میله‌ر " به‌جآ هێشتووه‌، چونكه‌ هه‌رچى دوژمنایه‌تى له‌ تواناى مرۆڤدا هه‌یه‌ ئه‌بووله‌هه‌ب نواندى به‌رامبه‌ر پێغه‌مبه‌ر (صلى الله علیه وسلم) و ئایینى ئیسلام. ئنجا هه‌تا له‌ دنیادا ما هه‌ر به‌ كافرى مایه‌وه‌ و به‌ كافریش مرد و موسڵمان نه‌بوو..
"د. میله‌ر " ده‌ڵێت:
ده‌ سال پێش ئه‌وه‌ى ئه‌بووله‌هه‌ب بمرێت، له‌سه‌ر ئه‌و دوژمنایه‌تىیه‌ سه‌خته‌ى ده‌رى برِى به‌رامبه‌ر به‌ ئیسلام، ئایه‌ت هاته‌ خواره‌وه‌ و هه‌واڵى ئه‌وه‌ى رِاگه‌یاند كه‌ ئه‌بووله‌هه‌ب ده‌رِواته‌ دۆزه‌خه‌وه‌. واته‌ به‌ كافرى ده‌مرێت و موسڵمان نابێت:
( تَبَّتْ يَدَا أَبِي لَهَبٍ وَتَبَّ{1} مَا أَغْنَى عَنْهُ مَالُهُ وَمَا كَسَبَ{2} سَيَصْلَى نَاراً ذَاتَ لَهَبٍ{3} ) المسد: ١ - ٣
ئه‌مه‌ش هه‌لێكى باش بوو، كه‌ ئه‌بووله‌هه‌ب ده‌یتوانى ده‌رفه‌تى لـێ‌ وه‌ربگرێت و، ته‌نها به‌ ماوه‌ى یه‌ك خوله‌ك (له‌و ده‌ ساڵه‌دا) ئیسلام هه‌ڵبووه‌شێنێته‌وه‌ و قورئان به‌درۆ بخاته‌وه‌!
واته‌ ده‌یتوانى له‌و ماوه‌یه‌دا – ئه‌گه‌ر به‌ درۆش بوایه‌ – بهاتایه‌ له‌ پێش چاوى خه‌ڵكیدا موسڵمان بوونى خۆى رِابگه‌یاندایه‌ و، ئنجا بیوتایه‌:
خه‌ڵكینه‌! ئێوه‌ به‌ شایه‌ت بن، وا من موسڵمان بووم.. كه‌واته‌ قورئان به‌ درۆزن ده‌رچوو.. واته‌ گوفتارى خوا نىیه‌!!
كه‌چى ئه‌بووله‌هه‌ب ته‌نانه‌ت به‌درۆش ئه‌م هه‌نگاوه‌ى نه‌نا، كه‌ له‌ به‌رژه‌وه‌ندیى خۆى و زیانى ئیسلام بوو!! بۆچى؟ چونكه‌ هه‌ر ته‌نها خواى گه‌وره‌ هه‌واڵى چوونه‌ دۆزه‌خى ئه‌بووله‌هه‌بى له‌ قورئانه‌كه‌یدا رِاگه‌یاندبوو.. جا ئایا كآ ده‌توانێت به‌درۆى بخاته‌وه‌؟! یان قسه‌ى به‌سه‌ر برِیارى قورئاندا زال ببێت؟!
پاشان ئه‌گه‌ر حه‌زره‌تى محه‌ممه‌د (صلى الله عليه وسلم) پێغه‌مبه‌رى خوا نه‌بوایه‌ چۆن پرِكێشیى ئه‌وه‌ى ده‌كرد برِیارێكى له‌و جۆره‌ ده‌ربكات، له‌ كاتێكدا كه‌ مامى ده‌توانێ‌ به‌ موسڵمان بوونێكى رِووكه‌ش و درۆینه‌ له‌ پێش چاوى خه‌ڵكیدا به‌ درۆى بخاته‌وه‌؟‍‍! به‌ڵام له‌به‌ر ئه‌وه‌ى برِیاره‌كه‌ هى سرووشى خواى گه‌وره‌یه‌ نه‌ك هى ئه‌و، ئه‌وا به‌وپه‌رِى بێ‌ باكى و متمانه‌ به‌خۆ بوون برِیاره‌كه‌ى قورئانى رِاگه‌یاند و، ئه‌نجامى ئه‌بووله‌هه‌بیش هه‌ر به‌و جۆره‌ بوو كه‌ قورئان فه‌رمووى!
ئه‌مه‌ش به‌ڵگه‌یه‌كى دره‌خشان و به‌هێزى تره‌ له‌سه‌ر ئه‌وه‌ى كه‌ قورئان فه‌رمایشتى خواى گه‌وره‌یه‌ و، حه‌زره‌تى محه‌ممه‌دیش ( صلى الله عليه وسلم) پێغه‌مبه‌رى رِه‌وانه‌كراوى خۆیه‌تى.

6- هه‌ر له‌ جۆرى ئه‌م موعجیزه‌یه‌ "د. میله‌ر " نموونه‌یه‌كى ترى دۆزىیه‌وه‌ كه‌ تا ئێستا و هه‌تا نووسینى ئه‌م دێرِانه‌ش هه‌ر به‌رده‌وامه‌! ئه‌ویش هه‌واڵدانى قورئانه‌ له‌وه‌ى كه‌ "دوژمنترین كه‌س به‌رامبه‌ر ئیمانداران له‌ پله‌ى یه‌كه‌مدا جووله‌كه‌كانن ":
لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُواْ الْيَهُودَ وَالَّذِينَ أَشْرَكُواْ وَلَتَجِدَنَّ أَقْرَبَهُمْ مَّوَدَّةً لِّلَّذِينَ آمَنُواْ الَّذِينَ قَالُوَاْ إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَاناً وَأَنَّهُمْ لاَ يَسْتَكْبِرُونَ المائدة: ٨٢
"د. میله‌ر " ده‌ڵێ‌:
ئه‌مه‌ش موعجیزه‌یه‌كى غه‌یبیى دیكه‌ى قورئانه‌ كه‌ ته‌حه‌ددیى داهاتوو ده‌كات. هه‌روه‌ك له‌ هه‌مان كاتدا باشترین هه‌له‌ كه‌ قورئان خۆى بۆ جووله‌كه‌كانى رِه‌خساندووه‌ كه‌ به‌ درۆى بخه‌نه‌وه‌! واته‌ ده‌توانن لانى كه‌م بۆ چه‌ند ساڵێك مامه‌ڵه‌ و سیاسه‌تیان له‌گه‌ل موسڵمانان بگۆرِن و رِه‌فتارى باشیان له‌گه‌ڵدا بنوێنن، پاشان بڵێن: ئه‌وه‌تا ئێمه‌ دوژمنایه‌تیتان ناكه‌ین و مامه‌ڵه‌مان له‌گه‌ل ئێوه‌دا باشه‌. كه‌چى قورئانه‌كه‌تان ئێمه‌ به‌ دوژمنى پله‌ یه‌ك داده‌نێت، كه‌واته‌ قورئان هه‌ڵه‌یه‌!!
خۆ وا هه‌زار و چوارسه‌د ساڵه‌ ئه‌م ئایه‌ته‌ ته‌حه‌ددیى جووله‌كه‌كان ده‌كات و، ئه‌وانیش هیچ هه‌نگاوێكی له‌و جۆره‌یان نه‌ناوه‌. دیاره‌ نه‌ ئێستا و نه‌ له‌مه‌ولاش هه‌ر ناتوانن هه‌نگاوى له‌و جۆره‌ بنێن، چونكه‌ ئه‌مه‌ برِیارى خواى گه‌وره‌یه‌ كه‌ ئاگادارى هه‌موو غه‌یبێكه‌ و برِیاریشى باڵا ده‌ستى هه‌موو برِیاره‌كانه‌!

7 - سه‌رنجێكى گرنگى ترى "د. میله‌ر " له‌ قورئانى پیرۆزدا ئه‌وه‌یه‌ كه‌ ده‌ڵێ‌:
ئه‌و ئایه‌تانه‌ى كه‌ له‌ دواى گرفته‌كانى رِێى بانگه‌وزاى ئیسلام ده‌هاتنه‌ خواره‌وه‌ بۆ پێغه‌مبه‌ر (صلى الله عليه وسلم) مژده‌ى سه‌ركه‌وتنیان به‌ موسڵمانان ده‌دا.. ئه‌و ئایه‌تانه‌ش كه‌ له‌ دواى سه‌ركه‌وتنه‌كانى پێغه‌مبه‌ر (صلى الله عليه وسلم) و موسڵمانان ده‌هاتنه‌ خوارێ‌ داواى ئه‌وه‌ى لـێ ‌ده‌كردن كه‌ له‌خۆیان بایى نه‌بن و قوربانى و خۆبه‌ختكاریى زیاتر پێشكه‌ش بكه‌ن!!
جا "د. میله‌ر " ده‌ڵێ‌: ئه‌گه‌ر قورئان سرووشى خواى گه‌وره‌ نه‌بوایه‌ و هى كه‌سێك بوایه‌ كه‌ مێژووى ژیانى خۆى بنووسێت، ده‌چوو سه‌ركه‌وتنه‌كانى خۆى یه‌كجار به‌ گه‌وره‌ له‌ قه‌ڵه‌م ده‌دا و، پاساوى جۆراوجۆریشى بۆ شكسته‌كانى ده‌هێنایه‌وه‌!! به‌ڵام قورئان له‌م رِیێه‌وه‌ – له‌به‌ر ئه‌وه‌ى سرووشى خواى گه‌وره‌یه‌ – زیاتر ده‌ستووره‌ گشتىیه‌كانى په‌یوه‌ندیى نێوان خوا و به‌نده‌كان رِوون ده‌كاته‌وه‌، تا ئه‌وه‌ى مێژووى قۆناغێك بگێرِێته‌وه‌!
8 - هه‌ر له‌ بوارى به‌ڵگه‌ هێنانه‌وه‌ى له‌سه‌ر رِاستیى پێغه‌مبه‌رى سه‌روه‌ر (صلى الله عليه وسلم) " د. میله‌ر " ده‌ڵێ‌:
گریمان له‌ناو ئه‌شكه‌وته‌كه‌دا تۆ له‌ جێى پێغه‌مبه‌ر (صلى الله عليه وسلم) بویتایه‌ له‌و ده‌مه‌دا كه‌ ئه‌گه‌ر كافران سه‌یرى لاى پێى خۆیان بكردایه‌ ناو ئه‌شكه‌وته‌كه‌یان لـێ ‌ده‌رده‌كه‌وت و ئێوه‌یان ده‌بینى، ئایا كاردانه‌وه‌ى سروشتیى تۆ له‌سه‌ر مه‌ترسىیه‌كانى ئه‌بووبه‌كر له‌وه‌ زیاتر ده‌بوو كه‌ بڵێیت: (با هه‌ول بده‌ین ده‌رگایه‌كى په‌نهان له‌ پشته‌وه‌ بدۆزینه‌وه‌).. یان: (بێده‌نگ به‌ با كه‌س گوێى له‌ قسه‌كانت نه‌بێت)؟!
كه‌چى پێغه‌مبه‌ر (صلى الله عليه وسلم) به‌وپه‌رِى ئارامى و له‌سه‌رخۆیى فه‌رمووی:
إِلاَّ تَنصُرُوهُ فَقَدْ نَصَرَهُ اللّهُ إِذْ أَخْرَجَهُ الَّذِينَ كَفَرُواْ ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لاَ تَحْزَنْ إِنَّ اللّهَ مَعَنَا فَأَنزَلَ اللّهُ سَكِينَتَهُ عَلَيْهِ وَأَيَّدَهُ بِجُنُودٍ لَّمْ تَرَوْهَا وَجَعَلَ كَلِمَةَ الَّذِينَ كَفَرُواْ السُّفْلَى وَكَلِمَةُ اللّهِ هِيَ الْعُلْيَا وَاللّهُ عَزِيزٌ حَكِيمٌ التوبة: ٤٠

9- "د. میله‌ر " ئاماژه‌ به‌وه‌ ده‌دات كه‌ چۆن "ئینسیكلوپیدیاى كاسۆلیكى " له‌ ژێر ناونیشانى (قورئان)دا باسى له‌وه‌ كردووه‌ كه‌: به‌ مه‌به‌ستى تانه‌ و ته‌شه‌ر دان له‌ قورئان و گومان په‌یدا كردن له‌وه‌ى كه‌ وه‌حیى خواى گه‌وره‌یه‌ (به‌ درێژایى سه‌ده‌كانى پێشوو تا ئێستا گه‌لـێ ‌بیردۆزى جیاجیا سه‌باره‌ت به‌ سه‌رچاوه‌ى قورئان – جگه‌ له‌ سه‌رچاوه‌ى وه‌حى – هاتووه‌ته‌ كایه‌وه‌، به‌ڵام هیچ كام له‌وانه‌ ناگونجێ‌لاى مرۆڤى عاقل بایه‌خى ببێت). جا "د. میله‌ر " سه‌باره‌ت به‌و هه‌وڵانه‌ ده‌ڵێ‌: كه‌نیسه‌ حه‌زى ده‌كرد پشتى یه‌كێك له‌و بیردۆزانه‌ بگرێت و داكۆكیى لـێ ‌بكات، به‌ڵام دواى شیكار و هه‌ڵسه‌نگاندنیان ناچار بوو واز له‌ هه‌موویان بهێنێت، به‌ڵام جورئه‌تى ئه‌وه‌شى نه‌بوو – وه‌ك موسڵمانان – دان به‌و رِاستىیه‌دا بنێ‌ كه‌ قورئان سرووشى خواى گه‌وره‌یه‌!

موسڵمان بوونى "د. میله‌ر ":

لێكۆڵینه‌وه‌كانى "د. میله‌ر " ساڵێكى خایاند. ئنجا دواى ئه‌وه‌ى كه‌ به‌م رِێگا زانستى و توێژینه‌وه‌ بێ‌ لایه‌نانه‌ى خۆى، هیچ دوودڵىیه‌كى به‌رامبه‌ر به‌ رِاستیى ئیسلام نه‌ما، دڵى بۆ ئایینى ئیسلام كرایه‌وه‌ و.. موسڵمان بوونى خۆى رِاگه‌یاند و.. ناوه‌كه‌شى گۆرِى بۆ: (عه‌بدولئه‌حه‌د عومه‌ر)!
دواى موسڵمان بوونى، بۆ چه‌ند ساڵێك له‌ عه‌ره‌بستانى سعوودى وه‌ك ئه‌ندامێكى ده‌سته‌ى وانه‌ وتنه‌وه‌ له‌ به‌شى (بیركارى) له‌ زانكۆى (الملك فهد للبترول والمعادن) دا وانه‌ى وته‌وه‌. ئنجا گه‌رِایه‌وه‌ بۆ وڵاته‌كه‌ى خۆى و به‌ ته‌واوى لـێ ‌برِا بۆ بانگه‌وزاى ئیسلام و بانگهێشتى هاووڵاتییانى كه‌نه‌دا بۆ ئه‌م ئایینه‌ پیرۆزه‌.
(عه‌بدولئه‌حه‌د عومه‌ر) دواى موسڵمان بوونى له‌سه‌ر چالاكىیه‌كانى به‌رده‌وام بوو، به‌ڵام به‌ پێچه‌وانه‌ى چالاكىیه‌كانى پێشووى.. ئه‌وه‌بوو چه‌ند مونازه‌ره‌یه‌كى له‌گه‌لڕ زانایانى نه‌سرانى ئه‌نجام دا كه‌ خۆى پێشتر یه‌كێك بوو له‌وان!!
شایانى باسه‌ (د. عه‌بدولئه‌حه‌د عومه‌ر) شاره‌زاییه‌كى باشى له‌ بوارى بانگه‌وازى ئیسلامدا هه‌یه‌ و هه‌ندێ‌ له‌ بانگخوازان سوودیان له‌ شاره‌زایى ئه‌و وه‌رگرتووه‌، بۆ نموونه‌ مامۆستا ئه‌حمه‌د دیدات – خوا لێى خۆش بێت – ساڵى 1984ز بانگهێشتى (د. عه‌بدولئه‌حه‌د عومه‌ر)ى كرد بۆ باشوورى ئه‌فریقیا و، له‌ "سه‌نته‌رى جیهانیى بانگه‌وازى ئیسلام " له‌ شارى (دووربان Durban) پێكه‌وه‌ كۆرِێكى هاوبه‌شیان گرت سه‌باره‌ت به‌ (جیاوازیى رِاسته‌قینه‌ له‌ نێوان موسڵمانان و مه‌سیحىیه‌كاندا). د, میله‌ر (عه‌بدولئه‌حه‌د عومه‌ر) له‌ بابه‌ته‌كه‌ى خۆیدا تیشكى خسته‌ سه‌ر ئه‌و فرتوفێڵانه‌ى كه‌ مونه‌سیره‌كان له‌گه‌ل موسڵماناندا به‌كارى ده‌هێنن! بابه‌ته‌كانى ئه‌م كۆرِه‌ هاوبه‌شه‌ له‌ لایه‌ن (محمد مختار) ه‌وه‌ كراوه‌ به‌ عه‌ره‌بى و، ده‌زگاى (المختار الإسلامي) له‌ قاهیره‌ ساڵى (1995)ز چاپى كردووه‌.
چالاكىیه‌كانى (پرِۆفیسۆر دكتۆر عه‌بدولئه‌حه‌د عومه‌ر) له‌ خزمه‌تى ئیسلامدا زۆربه‌ى لایه‌نه‌ مۆدێرنه‌كانى بانگه‌وازى گرته‌وه‌، چه‌شنى: پێشكه‌ش كردنى به‌رنامه‌كانى له‌ رِادیۆ و ته‌له‌فزیۆندا و، ئاراسته‌كردنى موحازه‌راتى گشتى و تایبه‌تى و، نووسینى وتار و، دانانى چه‌ندین كتێب كه‌ خزمه‌تى بانگه‌وازى ئیسلام ده‌كه‌ن، وه‌ك:
(به‌رپه‌رچدانه‌وه‌ى مه‌سیحیه‌ت، له‌ گۆشه‌ى رِوانینى موسڵمانێكه‌وه‌).
(قورئانى سه‌رسوورِهێنه‌ر)
(بناغه‌كانى باوه‌رِى موسڵمان)
(جیاوازیى نێوان ئینجیل و قورئان)
(گفتوگۆ)
(پێنج جیاوازى له‌ نێوان ئیسلام و مه‌سیحیه‌ت)
(شیكردنه‌وه‌ى موسڵمانێك بۆ مه‌سیحیه‌تى ته‌بشیرى)

شایانى باسه‌ هه‌ندێ‌ له‌ وتار و كتێبه‌كانى له‌سه‌ر تۆرِى ئینته‌رنێت به‌ زمانى ئینگلیزى بڵاوكراونه‌ته‌وه‌.
هه‌ڵبژارده‌یه‌كى خواى گه‌وره‌ بۆ ناو رِیزى پیاوچاكان:
هه‌روه‌ك "د. میله‌ر " .. ببوورن (عه‌بدولئه‌حه‌د عومه‌ر) سه‌باره‌ت به‌ سه‌ره‌تاى ئایه‌تى (82)ى سووره‌تى (المائدة) باسى له‌ دوژمنى پله‌ یه‌كى موسڵمانان كرد كه‌ جووله‌كه‌كانن، خۆیشى به‌م لێكدانه‌وه‌ و هه‌ڵسه‌نگاندنه‌ى قورئان، كه‌ له‌ رِێى به‌كارهێنانى ویژدان و پێوه‌رى زانستىیه‌وه‌ رِاستیى قورئانى بۆ سه‌لما و باوه‌رِى پێ‌ هێنا، نموونه‌یه‌كى به‌رجه‌سته‌ى دواباسى هه‌مان ئایه‌ت و دوو ئایه‌ته‌كه‌ى ترى دواى ئه‌وه‌ كه‌ له‌و "نه‌سرانى "یانه‌ ده‌دوێن نزیكترین كه‌سن له‌ موسڵمانانه‌وه‌، به‌وه‌ى كه‌ فیز و ده‌مار ده‌خه‌نه‌ لاوه‌ و، چاویان ئه‌سرین هه‌ڵده‌رِێژێ كاتێ‌ گوێیان له‌ قورئانى پیرۆز ده‌بێت و، ده‌زانن سرووشى حه‌ق و رِه‌واى خواى گه‌وره‌یه‌ و، ده‌ڵێن: ئه‌ى په‌روه‌ردگارمان! وا باوه‌رِمان هێنا.. ده‌تۆش لاى خۆت ناوى ئێمه‌ به‌ شایه‌ت تۆمار بكه‌ له‌سه‌ر ئه‌م ئیمانه‌:
لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُواْ الْيَهُودَ وَالَّذِينَ أَشْرَكُواْ وَلَتَجِدَنَّ أَقْرَبَهُمْ مَّوَدَّةً لِّلَّذِينَ آمَنُواْ الَّذِينَ قَالُوَاْ إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَاناً وَأَنَّهُمْ لاَ يَسْتَكْبِرُونَ{82} وَإِذَا سَمِعُواْ مَا أُنزِلَ إِلَى الرَّسُولِ تَرَى أَعْيُنَهُمْ تَفِيضُ مِنَ الدَّمْعِ مِمَّا عَرَفُواْ مِنَ الْحَقِّ يَقُولُونَ رَبَّنَا آمَنَّا فَاكْتُبْنَا مَعَ الشَّاهِدِينَ{83} وَمَا لَنَا لاَ نُؤْمِنُ بِاللّهِ وَمَا جَاءنَا مِنَ الْحَقِّ وَنَطْمَعُ أَن يُدْخِلَنَا رَبَّنَا مَعَ الْقَوْمِ الصَّالِحِينَ المائدة: ٨٢ - ٨٤

هه‌ندێ‌ له‌ ئامۆژگارىیه‌كانى بۆ ئێمه‌ى موسڵمان:

1 - (پرِۆفیسۆر دكتۆر عه‌بدولئه‌حه‌د عومه‌ر) دواى موسڵمان بوونى و، نرخ زانینى پله‌ و پایه‌ى ئایینى ئیسلام، له‌ وتارێكیدا ئامۆژگاریى ئێمه‌ى موسڵمان ده‌كات و، ده‌ڵێت:
(ئه‌ى موسڵمانان! ئه‌گه‌ر به‌ها و گرنگى و مه‌زنیى ئایینه‌كه‌ى خۆتان له‌ چاو ئایینه‌كانى تردا بزانن، ئه‌وا گه‌لـێ‌ سوپاسى خواى گه‌وره‌ ده‌كه‌ن له‌سه‌ر ئه‌وه‌ى كه‌ له‌ پشتى باوكانى موسڵمان ئێوه‌ى به‌دیهێناوه‌ و، له‌ باوه‌شى دایكانى موسڵماندا ئێوه‌ى گۆش كردووه‌ و، له‌سه‌ر ئه‌م ئایینه‌ مه‌زنه‌ش په‌روه‌رده‌ى كردوون! دڵنیا بن جیاوازیى واتاكانى: "پێغه‌مبه‌رایه‌تى و سرووش و زیندووبوونه‌وه‌ و رِۆژى دوایى " لاى ئێوه‌ و لاى خه‌ڵكانى تر هێنده‌ى ماوه‌ى نێوان زه‌وى و ئاسمانه‌)!
2 – له‌ ئامۆژگارىیه‌كى دیكه‌یدا ده‌ڵێت:
ده‌بێ‌ موسڵمانان هانى خه‌ڵكانى تر بده‌ن كه‌ بۆ خۆیان له‌ قورئان بكۆڵنه‌وه‌، چونكه‌ قورئان هه‌موو شتێكى به‌ وردى باس كردووه‌ و، خۆیشى داوا ده‌كات كه‌ خوێنه‌رانى لێى بكۆڵنه‌وه‌، تاكو به‌ دڵنیایى بگه‌ن به‌ "حه‌ق "ى رِوون و بێ‌ گومان. ئه‌وه‌ش تایبه‌تمه‌ندىیه‌كى (وه‌حى)ى خواى گه‌وره‌یه‌!
له‌سه‌ر ئه‌مه‌ به‌سه‌رهاتێكمان بۆ ده‌گێرِێته‌وه‌ و ده‌ڵێ‌:
(له‌ دواى موحازه‌ره‌یه‌كم له‌ ئه‌فریقیاى باشوور پیاوێك به‌ توورِه‌ییه‌وه‌ هات بۆ لام و وتى: كه‌ گه‌رِامه‌وه‌ بۆ ماڵه‌وه‌ به‌ دواى هه‌ڵه‌دا ده‌گه‌رِێم له‌ قورئاندا! منیش ئافه‌رین و پیرۆزبایى ئه‌و هه‌ڵوێسته‌م لـێ‌ كرد)!
مه‌به‌ستى ئه‌وه‌یه‌ كه‌ ده‌بآ موسڵمانان به‌و جۆره‌ بن له‌گه‌ل هه‌ر كه‌سێكدا كه‌ گومانى له‌ قورئاندا هه‌بێت، چونكه‌ ئه‌وان كاتێ‌ بۆ خۆیان حه‌ق ده‌دۆزنه‌وه‌ بێ‌ گومان باوه‌رِى پێ‌ ده‌هێنن و نرخى ده‌زانن و، شه‌یداى ده‌بن، قورئانیش له‌و رِێ‌یه‌وه‌ رِێزى ئه‌وان بۆ خۆى به‌ده‌ست ده‌هێنێت.
وه‌ڵامى پرسیارێك:
هه‌ندێ ‌جار ئه‌م پرسیاره‌ له‌ ده‌مى باسى موسڵمان بوونى كه‌سایه‌تىیه‌ گه‌وره‌كاندا ده‌ورووژێت، كه‌: ئایا بۆچى بایه‌خ به‌ موسڵمان بوونى ئه‌م جۆره‌ كه‌سانه‌ ده‌درێت، له‌ كاتێكدا كه‌ ساڵانه‌ به‌ هه‌زاران كه‌سى ترى ئاسایى له‌ سه‌رانسه‌رى جیهاندا موسڵمان ده‌بن، ته‌نانه‌ت هه‌ندێ‌ جار گوندێك، یان هۆزێك، كه‌ ژماره‌یان له‌ هه‌زاران تێپه‌رِ ده‌بێت موسڵمان ده‌بن، كه‌چى ئه‌و گرنگىیه‌ به‌ باسى موسڵمان بوونیان نادرێت وه‌ك ئه‌وه‌ى به‌ هى ناوداران ده‌درێت؟
له‌ وه‌ڵامى ئه‌مه‌دا ده‌ڵێین: سووچى ئه‌وه‌ ده‌گه‌رِێته‌وه‌ بۆ كه‌مته‌رخه‌میى هۆكاره‌كانى رِاگه‌یاندنى جیهانى ئیسلامى. به‌ڵام گه‌ر ئه‌وانه‌ لاى خه‌ڵكى باس نه‌كرێن و ناونه‌هێنرێن، به‌ دڵنیاییه‌وه‌ لاى خواى گه‌وره‌ به‌ پله‌ى به‌رزه‌وه‌ ناویان تۆمار كراوه‌.
له‌ لایه‌كى تریشه‌وه‌ گرنگیى باسى موسڵمان بوونى گه‌وره‌ زانایانى بیانى، رِاستىیه‌ك ده‌خاته‌رِوو كه‌ مامۆستا "سه‌عیدى نوورسى " به‌مه‌ى خواره‌وه‌ ئاماژه‌ى بۆ كردووه‌:
(هه‌ر له‌ باشترینى سه‌ده‌كان و چه‌رخى به‌خته‌وه‌رییه‌وه‌ هه‌تا ئێستا، مێژوو موسڵمانێكى پیشان نه‌داوین كه‌ له‌ ئه‌نجامى "داوه‌ریى ژیرى " و "به‌ڵگه‌ى یه‌قینییه‌وه‌ " ده‌ستى له‌ ئایینه‌كه‌ى خۆى هه‌ڵگرتبێت و ئایینێكى ترى پێ‌ باش بووبێت. له‌ كاتێكدا كه‌ خه‌ڵكانێكى زۆر له‌ شوێنكه‌وته‌ى ئایینه‌كانى تر – ته‌نانه‌ت ده‌مارگیره‌كانیشیان، چه‌شنى رِووس و ئینگلیز – له‌ ئه‌نجامى داوه‌ریى ژیرى و به‌ڵگه‌ى عه‌قڵییه‌وه‌ ئایینى ئیسلامیان له‌ ئایینه‌كانى خۆیان به‌لاوه‌ باشتر بووه‌ و، موسڵمان بوون. لێره‌دا ئاورِ له‌ چاولێكه‌ریى خه‌ڵكانى عه‌وام نادرێته‌وه‌، چونكه‌ پشتى به‌ هیچ به‌ڵگه‌یه‌ك نه‌به‌ستووه‌. هه‌روه‌ك بایه‌خ به‌ كارى له‌ ئایین ده‌رچوون و هاتنه‌ده‌ره‌وه‌ له‌ رِاستییه‌كانى نادرێت، چونكه‌ ئه‌وه‌ بابه‌تێكى تره‌. لاى هه‌موانیش ئاشكرا و زانراوه‌ كه‌ مێژوو بۆمان ده‌رده‌خات ژماره‌ى ئه‌وانه‌ى دواى به‌كارهێنانى "داوه‌ریى ژیرى " كۆمه‌ل به‌ كۆمه‌ل دێنه‌ ناو ئایینى ئیسلامه‌وه‌، رِۆژ له‌ دواى رِۆژ له‌ زیادبووندایه‌.
خۆ ئه‌گه‌ر ئێمه‌ به‌ كردار و رِه‌فتارى خۆمان رِه‌وشته‌ به‌رزه‌كانى ئیسلام و بڵندیى رِاستییه‌كانى ئیمانمان پێش چاوى خه‌ڵكى بخستایه‌، ئه‌وا پۆل پۆل و ده‌سته‌ به‌ ده‌سته‌ شوێنكه‌وته‌ى ئایینه‌كانى تر ده‌هاتنه‌ ناو ئایینى ئیسلامه‌وه‌، ته‌نانه‌ت ده‌وڵه‌تان و كیشوره‌كانى جیهانیش له‌وانه‌ بوو ملیان بۆ ئایینى ئیسلام كه‌چ بكردایه‌)!


سه‌رچاوه‌كان:1 –
إظهار الحق: قساوسة وعلماء ومستشرقون أشهروا إسلامهم. تأليف: محمد عبد الحليم عبد الفتاح. الناشر: دار الكتاب العربي (دمشق – القاهرة) ص: 14-16.
2 – الخلاف الحقيقي بين المسلمين والمسيحيين. تأليف: أحمد ديدات و جارى ميلر. ترجمة وتعليق: محمد مختار. نشر دار المختار الإسلامى – القاهرة. (1995)م
3 – مائدة القرآن العظيم. تأليف جارى ميلر (عبد الأحد عمر). ترجمة: زكي شلطف الطريفي . (له‌سه‌ر تۆرِى ئینته‌رنێت).
4 – رجال ونساء أسلموا. إعداد: قذيفة الحق . (له‌سه‌ر تۆرِى ئینته‌رنێت).
5 – گۆڤارى (بانگى حه‌ق) ژ (26) ساڵى (2008)ز. وتارى: (هیواى داهاتووى گه‌ش بۆ موسڵمانان) نووسینى مامۆستا سه‌عیدى نوورسى، وه‌رگێرِانى ئێمه‌.

س . ج : ناوه‌ندی کوردستان بۆ ئیعجازی
زانستی له‌ قورئان و سوننه‌ت دا

  خۆگرو بەئارام بە لەڕوی ئەو کەسەدا کە نەزانی دەنوێنێت بەرامبەرت،،وە لێبوردە بەو چاوپۆشی بکە لەو کەسەی کە ستەمت لێ ئەکات وە ببەخشە بەو کەسەی کە بەتۆ نابەخشێت وەسەردانی ئەو کەسانەش بکە کە سەردانی تۆ ناکەن...
مامۆستای مرۆڤایەتی محمد (د.خ